Diferans ant langaj enfòmatik ak langaj pwogramasyon

Li enpòtan antanke pwogramè pou'w konprann diferans ki genyen ant tèm langaj enfòmatik ak langaj pwogramasyon, evolisyon'w nan domèn nan dwe chita tou sou yon baz teyorik solid, nan atik sa n'ap dekòtike pou ou, kote diferans ant 2 konsèp sa yo sòti.

Langaj enfòmatik

Langaj enfòmatik se tèm jeneral yo itilize pou pale de tout kalite langaj yo itilize nan domèn enfòmatik la, li anglobe tip langaj tankou langaj balizaj (HTML), langaj script (JavaScript), langaj rekèt (SQL) ak lòt ankò.

Langaj pwogramasyon

Langaj pwogramasyon an se li menm tou yon branch nan langaj enfòmatik la, ke yo itilize pou manipile done ak ekri pwogram ki pou egzekite sou òdinatè. Pami yo nou jwenn Python, C, PHP, ak Java.